قصة العجوز وابليس

من طرف **جـ ـ ـ ــروح** الجمعة مارس 11, 2011 11:47 am

كان في عجوز قاعدة لحالها طلع لها ابليس خافت وسمت بالرحمن
حكالها استني ليش اولما شفتيني بتسمي بالرحمن انا كان بدي اسالك شي
قالت له اتفضل خير
قالها انتي تعتبري حالك داهيه
قالت له اي انا داهيه والنساء عموما كيدهن عظيم
حكالها طيب انا بتحداكي وبنشوف مين الي كيده اعظم انا ولا انتي
قالت له وانا موافقة وراح اعمل مشكلة وانت تحلها واذا ما عرفت تحلها انا بحلها وبفوز
ابليس من غير تردد وافق
راحت العجوز عند شاب عاطل عن العمل
حكت له انا بشغلك عندي فترة معينة وراح اعطيك فلوس مقابل العمل بس بشرط
انك لا تدخل في الي بعمله او تحكي اي شيء الي اقولك عليه تعمله
الشاب حكالها بما انو الشغلة فيها فلوس انا موافق
اخذت الشاب معها وراحت لمحل بيع اثواب وحكت له انو يوقف قدام الباب وما يدخل المحل
دخلت هي المحل واخذت ثوب غالي وراحت تفاصل صاحب المحل في ثمنه
قالت له نزل شوي السعر حكالها اذا ما عندك ثمنه روحي خذي ثوب تاني ارخص
قالت له لا انا بدي هذا واذا ما اخذته بصير شيء مو كويس الي
استغرب الرجال وحكالها ليش شو راح يصير؟
حكت له شايف الشاب الي قدام محلك رد عليها اي شايفه
قالت له هذا ابني بيحب واحدة متزوجة وهي بتحبه وراح يتزوجه قريب بعدما تطلق من زوجها
وأمرني اني اشتري له ثوب غالي لحتى يعطيه لحبيبته هدية واذا عارضت بيطردني من البيت
والبيت اساسا الي بس انا غلطت وكتبته باسمه وقعدت تبكي
التاجر حكالها خلاص هونيها تهون وانا راح اعطيكي الثوب من غير ولا فلس واجري على الله
اتشكرته العجوز واخذت الثوب وطلعت من المحل فرحانه وقالت للشاب روح البيت واستناني هنيك
بعدها راحت العجوز بيت التاجر وطرقت الباب فتحت لها زوجته
حكت لها العجوز سامحيني يا بنتي انا تعبت وما اقدر اكمل طريقي
فيني اقعد عندك شي 5 دقايق لحتى بس ارتاح رحبت بها الزوجة وضايفتها وقدمت لها الشاي
اتشكرتها العجوز وقالت لها ان شاء الله بعوض لك اياها واسفة اني ازعجتك
طلعت العجوز من بيت الزوجة واتعمدت تترك الثوب عندها
الزوجة شافت الثوب وحكت يا حرام تركت الثوب اكيد بترجع بعد شوي وتاخذوا
اخذتو الزوجة وحطتو بالدولاب، التاجر رجع بيته اتغذى ونام
بالعصر فاق مشان يرجع لمحله فتح الدولاب مشان يغير ملابسه .....
اتفاجأ انو الثوب الي عطاه للعجوز بدولابه
هون اتذكر انو العجوز حكت له انو ابنها بيهديه لحبيبته وهي متزوجة وبتطلق
وهاي الحبيبة ماهي الا زوجته وهي بتخونه راح الها ضربها وطردها من البيت بهدومها الي لابستهم
هون العجوز كانت قاعدة باول الشارع تستنى ها اللحظة راحت تركض عندها
قالت لها ليش تبكي يا بنتي حكت لها زوجي طردني وما عطاني حتى فرصة افهمه القصة
قالت لها تعالي معي بيتي وانا راح احل المشكلة هاي
دخلت العجوز بالزوجة البيت ودخلو غرفة والشاب كان بغرفة تانية ناطر العجوز
تركتهم بالبيت وراحت عند الشرطة وحكت لهم انها كانت قاعدة ببيتها الا ودخل عليها راجل و زوجته
احتله بيتها بدها تطلعهم وماعرفت وقاعدة تبكي على الشرطي
الشرطة راحت البيت واعتقلت الزوجة والشاب وحطوهم بالسجن
راحت العجوز عند ابليس وحكتله هلق شو رايك تروح تحل المشكلة الي انا عملتها
ابليس حكالها لالالا انا ما راح اعرف احلها المشكلة اتعقدت كثييييير وصعب علي حلها
حكت له انا راح احلها وتكون المشكلة ولا كانها حصلت بالمرة وراح اكسب الرهان
راحت العجوز عند الزوجة تزورها بالسجن وحكت لها انتي ساعدتيني مرة وانا هلق الدور علي لحتى اساعدك
راح تطلعي من هون و تروحي بيتي وتستنيني لحتى اطلع .كيف راح تطلعيني من هون وانا محبوسة؟
حكت لها شيلي عبايتك واعطيني اياها والبسي عبايتي وغطي وجك واطلعي من هون كانك انا
حصل المراد وطلعت الزوجة من السجن وضلت العجوز بالسجن
الوالي امر حراس الامن انهم يجيبو المسجونين
حضرت العجوز والشاب سألهم الوالي ليش سجنوكم
حكت له العجوز ما بعرف يا سيدي كنت انا و ولدي قاعدين بالبيت الا والشرطة داخلة علينا ومسكونا
الوالي اتعصب على الشرطة و صرخ عليهم وما عطاهم فرصة يتكلموا
طلعت العجوز من هناك وهي فرحانة والشاب معاها عطاتو فلوسه وحكت له الله معك وشكرا
انهت خدمته وحكى لها وقتما تحتاجيني انا موجود
راحت العجوز عند التاجر وحكت له انو هي تعبت بالطريق وانو زوجته اكرمتها وضايفتها بالبيت
وهي من كثر التعب نسيت الثوب عند زوجته وانو هي بريئة
وحكت له خذ ثوبك لان ابني سافر هو و زوجته الجديدة
رجع التاجر زوجته وتأسف لها وراضاها
العجوز راحت عند ابليس وحكت له شو رأيك هلق حليت المشكلة
هون ابليس ابتعد عنها خايف منها ومن كيدها
وحكالها ان كيدكن لعظيم بجد وراح............ :lol!: